Oi denbora!(Markos Untzeta)

Oi denbora!

Nora zoaz hain arin

hondar hari batek nola

eskuartetik ihesi?

Lore gorriak

biziz beteak

uneka horitzen

bideko horma zaharrean.

Oi bideko

horma zaharrean!

Oi iragana!

su ahaltsuak

behin argitutako gauak

gaur errautsen basamortua

Oi bideko

horma zaharrean

lore gorriak

uneka horitzen

Oi oraina!

Hemen zaude baina

konturatu orduko

hor atzean zaude jada

Oi geroa!

Nire begiak

bi arrain itsu dira

zure uretan galduta

Oi bideko 

horma zaharrean

lore gorriak

uneka horitzen!